గిరిజన విజ్ఞాన సంబరాల్లో అద్భుత ప్రతిభ...

-


ఆకట్టుకున్న గిరిజన విద్యార్థుల ప్రతిభ


పాడేరు (జనహృదయం) : గిరిజన విజ్ఞాన సంబరాల్లో విద్యార్థులు అద్భుతమైన ప్రతిభను ప్రదర్శించారని సమీక త గిరిజనాభి సంస్థ ప్రాజెక్టు అధికారి డికె బాలాజీ అన్నారు. స్థానిక తలారిసింగ్‌ కేంద్రీయాశ్రమోన్నత పాఠశాలలో మూడు రోజులుపాటు నిర్వహించనున్న గిరిజన విజ్ఞాన సంబరాలను సోమవారం ఆయన ప్రారంభించారు.  ఆయన మాట్లాడుతూ విద్యార్థుల్లో ఉన్న ప్రతిభను వెలికి తీయడానికి విజ్ఞాన సంబరాలు నిర్వహిస్తున్నామని చెప్పారు. గత ఏడాది నిర్వహించిన ప్రదర్శనలు చార్టులతో నిర్వహించగా ఉపాధ్యాయుల చొరవతో నేడు విద్యార్థులు నూతన ప్రయోగాలను ఆవిష్కరించారని అన్నారు. అంచనాలకు మించి వినూత్నంగా చేసిన ప్రయోగాలు, ప్రదర్శనలు ఆకట్టుకున్నాయని హర్షించారు. విద్యార్థుల్లో పోటీతత్వం పెంచానికి ఇటువంటి విజ్ఞాన సంబరాలు ప్రతి సంవత్సరం నిర్వహిస్తామన్నారు. ఉపాధ్యాయులను కుప్పం వశిష్ట ఫౌండేషన్‌కు విజ్ఞాన పర్యటనకు పంపించామన్నారు. గురువులు, విద్యార్థుల సామర్ధ్యాలు పెంచడానికి క షి చేస్తున్నామని పేర్కొన్నారు. రాష్ట్ర స్థాయిలో విజ్ఞాన సంబరాలు నిర్వహించాల్సిన అవసరం ఉందని, ఆదిశగా క షి చేస్తామన్నారు. ఈ ఆవిష్కరణలు కోసం ఐటిడి ఏ నుంచి ఆర్ధిక సహకారం అందిస్తామని చెప్పారు. ముందుగా మండల స్థాయిలో నిర్వహించామన్నారు. తరగతి గదుల్లో నూతన ప్రయోగాలను విద్యార్థులకు బోధించాలని సూచించారు. 



సబ్‌ కలెక్టర్‌ డా. వేంకటేశ్వర్‌ సలిజాముల మాట్లాడుతూ విద్యార్థుల ఆలోచనలు ఉన్నతంగా ఉండాలన్నారు. ప్రస్తుత పోటీ ప్రపంచంలో విద్యార్థులు సవాలుగా తీసుకోవాలన్నారు. ఉపాధ్యాయుల మార్గదర్శకంలో విద్యార్థినీ విద్యార్థులు అత్యుత్తమ ఆవిష్కరణలకు శ్రీకారం చుట్టారన్నారు. గిరిజన విద్యార్థుల్లో అపారమైన ప్రతిభా పాటవాలున్నాయని అన్నారు. గిరిజన విజ్ఞాన సంబరాలు ప్రతీ ఏడాది నిర్వహించాలన్నారు. గిరిజన విద్యార్థుల సామర్ధాలను వెలికి తీయాలన్నారు. ఏజెన్సీలోని 109 పాఠశాల విద్యార్థిని విద్యార్థులు పాల్గొన్నారు. సామాన్య శాస్త్రంలో 16, బౌతిక శాస్త్రంలో 51,గణితంలో 63, ఆంగ్లంలో 52 ప్రదర్శనలు ఏర్పాటు చేసారు. జి.మాడుగుల బాలికలు-1 ఆశ్రమపాఠశాల విద్యార్థులు రోడ్డు భద్రత, కొత్తూరు ఆశ్రమ విద్యార్థులు స్మార్ట్‌ సిగ్నల్‌, జికె వీధి విద్యార్థులు హైడ్రాలిక్‌ ఫ్లై ఓవర్‌ వంతెన,ముంచింగ్‌ పుట్టు బాలికలు పవన్‌ శక్తి, కొయ్యూరు విద్యార్థులు గణితంలో సింపుల్‌ ధియోడలైట్‌, బ్యాంకు వడ్డీరేట్లు, ఉష్ణోగ్రతలు కొలతలు, సంభావ్యతపై చేసిన ప్రదర్శనలు ఆకట్టుకున్నాయి. విద్యార్థులు చేసిన న త్య ప్రదర్శనలు అలరించాయి. గిరిజన విజ్ఞాన సంబరాలు లోగోను, వాలీబాల్‌, కోకో క్రీడలను అతిధలు చేతుల మీదగా ప్రారంభించారు. ఈ కార్యక్రమంలో గిరిజన సంక్షేమ ఉపసంచాలకులు జి.విజయ కుమార్‌, సహాయ గిరిజన సంక్షేమాధికారులు రజని, క్రాంతి, లక్ష్మి, ఉపాధ్యాయులు శ్రీనివాస పడాల్‌, రీమలి జాన్‌ , ఫిజికల్‌ డైరెక్టర్‌ సింహాచలం పలువురు ఉపాధ్యాయులు, విద్యార్థులు పాల్గొన్నారు.


Comments

Post a Comment

Popular posts from this blog

కొత్త జిల్లాలను ప్రారంభించిన సీఎం జగన్‌

-
Image
ఏపీలో 13 నుండి  26 కు చేరిన జిల్లాల సంఖ్య  (రాజన్ - జనహృదయం ప్రతినిధి) అమరావతి:   ఏపీలో  కొత్తగా ఏర్పడిన 13 జిల్లాల ప్రారంభోత్సవాన్ని రాష్ట్ర ప్రభుత్వం అట్టహాసంగా నిర్వహించింది. సీఎం జగన్‌ అమరావతి నుంచి ఎలక్ట్రానిక్‌ బటన్‌ ద్వారా   కొత్త జిల్లాలను ప్రారంభించారు. అదే  సమయంలో   ఆయా జిల్లా కేంద్రాల్లో మంత్రులు, ఎంపీలు, ఎమ్మెల్యేలు, కొత్తగా నియమించిన జిల్లా కలెక్టర్లు, ఎస్పీలు ఈ ప్రారంభోత్సవ కార్యక్రమాల్లో పాల్గొని పరిపాలన ప్రజలకు చేరువ చేశారు. ఈ సందర్భంగా సీఎం వీడియో కాన్ఫరెన్స్ ద్వారా  మాట్లాడుతూ  రాష్ట్ర ప్రజలకు మంచి జరిగే గొప్ప శుభదినంగా సోమవారం నాటి ఈ కార్యక్రమాన్ని అభివర్ణించారు.  ఆంధ్ర ప్రదేశ్ 26 జిల్లాల రాష్ట్రంగా రూపుదిద్దుకోందని కొనియాడారు.. గతంలో  ఉన్న 13 జిల్లాల  పేర్లు, జిల్లా కేంద్రాలను అలాగే కొనసాగుతాయని,  పరిపాలనా సౌలభ్యం, వికేంద్రీకరణ అవసరం మేరకే కొత్త జిల్లాలను ఏర్పాటు చేశామని ప్రకటించారు. ప్రజలకు పరిపాలన మరింత చేరువ కావాలనే మార్పులు చేశామని . కలెక్టర్లకు అధికారంతో పాటుగా  ప్రజల పట్ల బాధ్యత పెర...
Read more

ఘనంగా ప్రారంభమైన అల్లూరి సీతారామరాజు జిల్లా

-
Image
  (రాజన్ - జనహృదయo ప్రతినిధి) పాడేరు :   విశాఖ, తూర్పు గోదావరి ఏజెన్సీ ప్రాంతాల కలయికతో ఏర్పడిన అల్లూరి సీతారామరాజు జిల్లా అట్టహాసంగా పాడేరు ప్రారంభం అయ్యింది.   నూతన జిల్లాలో భాగంగా పాడేరు కేంద్రంగా జగన్ సర్కార్ ప్రకటించిన అల్లూరి సీతారామరాజు జిల్లాను సోమవారం జిల్లా కలెక్టర్ సుమిత్ కుమార్ ప్రారంభించారు.  అట్టహాసంగా జరిగిన ఈ కార్యక్రమంలో గిరిజన ప్రాంతాలకు చెందిన ప్రజాప్రతినిధులంతా పాల్గొని నూతన కలెక్టర్ సుమిత్ కుమార్ కి స్వాగతం పలికారు.   పాడేరు, అరకువేలి, రంపచోడవరం నియోజకవర్గాల ఆధారంగా 22 మండలాలతో అల్లూరి సీతారామరాజు జిల్లా ఏర్పాటయింది. ఈ జిల్లా పరిధి 12. 251 చదరపు కిలోమీటర్లు విస్తరించి ఉంది.  ఇక ఈ జిల్లాలో జనాభా 9.7 54 లక్షల మంది నివసిస్తున్నారు.  మూడు అసెంబ్లీ సెగ్మెంట్ల పరిధిలో 2 రెవెన్యూ డివిజన్లు ఉన్నాయి.  వీటిలో ఇరవై రెండు మండలాలు ఈ జిల్లాలో చేర్చారు. అరకువేలి నియోజకవర్గానికి చెందిన అనంతగిరి, అరకువేలి, డుంబ్రిగుడ, హుకుంపేట, పెదబయలు, ముంచంగిపుట్టు మండలాలు,  పాడేరు నియోజకవర్గానికి చెందిన పాడేరు, జి.మాడుగుల, గూడెంకొత్తవీధి, చిం...
Read more
-
Image
  (రాజన్ - జనహృదయం ప్రతినిధి) రంపచోడవరం : అల్లూరి సీతారామరాజు జిల్లాలో చేర్చిన రంపచోడవరం డివిజన్ పరిధిలోని ప్రజలకు ప్రభుత్వం ఊరట కల్పించింది.  జిల్లా కేంద్రం సుమారు 200 కిలోమీటర్ల దూరంలో ఉండడం వల్ల ప్రజలు ఎటువంటి ఇబ్బందులు ఎదుర్కోకుండా ఉన్నతాధికార యంత్రాంగం ఆ ప్రాంత ప్రజలకు ఊరట కల్పించింది.  జిల్లా కేంద్రం పాడేరు లో ఉండే జిల్లా కలెక్టర్ ప్రతి వారంలో రెండు రోజుల పాటు రంపచోడవరం డివిజన్ హెడ్ కోటర్ లో ఉండేవిధంగా గా ప్రభుత్వం ఆదేశాలు జారీ చేసింది. ఈ మేరకు అల్లూరి సీతారామరాజు జిల్లాకు సంబంధించిన జిల్లా యంత్రాంగం  వారంలో రెండు రోజుల పాటు రంపచోడవరం డివిజన్ ప్రాంత ప్రజలకు అందుబాటులో ఉండి సేవలు అందిస్తారని ప్రణాళిక శాఖ ముఖ్య కార్యదర్శి విజయ్ కుమార్ ఓ ప్రకటనలో తెలియజేశారు. దీంతో రంపచోడవరం డివిజన్ లోని ఎటపాక, కూనవరం, వార రామచంద్రపురం తో పాటు మారేడుమిల్లి. దేవిపట్నం, చింతూరు  తదితర ప్రాంతాల ప్రజలంతా జిల్లాకు సంబంధించిన పనులన్నిటికీ రంపచోడవరం లోనే జిల్లా యంత్రాంగాన్ని కలుసుకునే దిశగా చర్యలు చేపట్టనున్నారు.   వాస్తవానికి జిల్లా కేంద్రం పాడేరు లో ఉన్నప్పటికీ రంపచోడవర...
Read more